پاکستان کی معروف اداکارہ اقراء عزیز  نے اداکار فیروز خان کے حوالے سے چشم کشا انکشاف کردیا۔

اقراء عزیز نے فیروز خان کے ساتھ پراجیکٹ سے خود کو الگ کرنے کے فیصلے پر بات کرتے ہوئے ایک انٹرویو میں کہا کہ فیروز خان کے ساتھ کام نہ کرنے کا فیصلہ میرا ذاتی تھا، جو مجھے اچھا لگا، میں نے وہی کیا۔

انہوں نے کہا کہ اس واقعے سے پہلے بھی اگر آپ مجھ سے پوچھتے کہ میں فیروز خان کے ساتھ کام کرتے ہوئے پرسکون ہوتی تھی تو میرا جواب نہیں ہوتا۔

اداکارہ نے کہا کہ میں نے نجی ٹی وی چینل کے ایک مشہور ڈرامے کے دوران بھی ان کے ساتھ کام کرنے میں بے آرام اور بے سکون محسوس کیا ، اور یہی وجہ تھی کہ اب ان کے ساتھ پراجیکٹ میں کام نہ کرنے کا اعلان کرتے ہوئے مجھے زیادہ تردد نہیں ہوا۔

اس سے قبل اداکار فیروز خان پر سابق اہلیہ علیزے سلطان کو تشدد کا نشانہ بنانے کا الزام عائد ہونے پر اداکارہ اقراء عزیز نے فیروز خان کے ساتھ کام نہ کرنے کا اعلان کیا تھا۔

یاد رہے کہ فیروز خان کی سابق اہلیہ علیزے سلطان پر تشدد کی تصاویر اس وقت وائرل ہوئیں جب انہوں نے وہ تصاویر تشدد کے ثبوت کے طور پر عدالت میں جمع کروائیں۔

تصاویر کے سامنے آنے کے بعد اقرا عزیز کے شوہر اداکار یاسر حسین سمیت کئی دیگر شوبز شخصیات نے اداکار کے بائیکاٹ کا مطالبہ کیا ۔