پاکستان شوبز انڈسٹری کی ابھرتی ہوئی اداکارہ و ماڈل نول سعید اکثر سوشل میڈیا پر اپنی نت نئی تصاویر اور ویڈیوز شیئر کرتی رہتی ہیں جنہیں مداحوں کی جانب سے خوب پسند کیا جاتا ہے لیکن کئی بار انہیں تنقید کا بھی سامنا کرنا پڑتا ہے۔

حال ہی میں معروف اداکارہ نے اپنے انسٹاگرام اکاؤنٹ کا رخ کیا جہاں انہوں نے کچھ تصاویر شیئر کیں۔

شیئر کی گئی تصاویر میں دیکھا جاسکتا ہے کہ نول سعید نے سیاہ رنگ کی فٹنگ والی ٹی شرٹ پہنی ہوئی ہے جس کی وجہ سے انہیں تنقید کا سامنا کرنا پڑ رہا ہے۔

نول سعید نے تصاویر شیئر کرتے ہوئے کیپشن میں لکھا کہ ’اگر یہ آپ کو خوش رکھتا ہے تو اسے خاموش رکھیں‘۔

نول سعید کی یہ تصاویر سوشل میڈیا پر وائرل ہوئیں تو صارفین کی جانب سے ملے جلے ردعمل سامنے آئے کسی نے ان کی تعریف کی تو کسی نے انہیں لباس کی وجہ سے تنقید کا نشانہ بنایا۔

واضح رہے کہ نول سعید نے ’دلِ ویران‘، ’فریاد‘ اور کئی ڈراموں میں اپنی اداکاری کے جوہر دکھائے۔