بالی ووڈ فلم انڈسٹری کے مشہور و معروف اداکار رنویر سنگھ نے فلم انڈسٹری سے متعلق شرمناک انکشافات کردیے ہیں۔

حال ہی میں اپنے دیے گئے ایک انٹرویو میں اداکار رنویر سنگھ نے بتایا کہ میرے کیریئر کے ابتدائی دور میں ایک بندے نے مجھے ایک عجیب سی جگہ پر بلایا اور پوچھا کہ آپ محنتی ہیں یا پھر اسمارٹ ورکر ہیں؟

ان کا کہنا تھا کہ کیونکہ میں خود کو اسمارٹ نہیں سمجھتا تھا، اس لیے میں نے اسے کہا کہ مجھے لگتا ہے کہ میں ایک محنتی شخص ہوں جس پر اس نے مجھے جواباً کہا کہ ڈارلنگ، ہوشیار اور تھوڑے دلکش بنو۔

رنویر سنگھ نے کہا کہ میں نے ساڑھے تین سالوں کے دوران انڈسٹری میں اس طرح کے تمام تجربات کیے اور میں سمجھتا ہوں کہ یہی وہ دور تھا جس نے مجھے اس قابل بنایا کہ آج مجھے کام کرنے کے اتنے مواقع مل رہے ہیں۔

یہ بھی پڑھیں: لوگ مجھے کہتے تھے کہ دپیکا تمہاری اوقات سے باہر ہے، رنویر سنگھ