پاکستانی فلم جوائے لینڈ کو ایک بار پھر بین الاقوامی ایوارڈز کیلئے نامزد کر لیا گیا ہے۔

حال ہی میں انڈیپنڈنٹ اسپرٹ ایوارڈز نے نامزدگیوں کا اعلان کیا، جس میں بہترین بین الاقوامی فلم کیٹیگری میں پاکستانی فلم جوائے لینڈ کو نامزد کیا گیا۔

    نامزدگیوں کے اعلان کے مطابق پاکستانی فلم کا مقابلہ میری کریوٹزر کی کارسیج ، مارٹیکا رامیرز ایسکوبار کی لیونر وِل نیور ڈائی ، ڈیوی چو کی ریٹرن ٹو سیول اور ایلس ڈیوپ کی سینٹ اومر سے ہو گا۔

انڈیپنڈنٹ اسپرٹ ایوارڈز امریکی ریاست کیلیفورنیا میں 4 مارچ 2023 کو منعقد کیے جائیں گے۔

واضح رہے کہ پاکستانی فلم جوائے لینڈ کی کہانی ایک نوجوان اور ٹرانس جینڈر کے گرد گھومتی ہے جو کہ ڈانس کلب میں ملازمت کے دوران ایک دوسرے کی محبت میں گرفتار ہو جاتے ہیں۔