پاکستان شوبزانڈسٹری کی صدا بہار خوبرو ماڈل اور اداکارہ نتاشا حسین اکثر سوشل میڈیا پر اپنی نت نئی تصاویر اور ویڈیوز شیئر کرتی رہتی ہیں لیکن کئی بار انہیں اپنے بولڈ انداز کی وجہ سے شدید تنقید کا سامنا کرنا پڑتا ہے۔

حال ہی میں معروف ماڈل کی چند تصاویر سوشل میڈیا پر وائرل ہوئیں جس کے بعد صارفین نے انہیں آڑے ہاتھوں لے لیا۔

شیئر کی گئی تصاویر میں دیکھا جاسکتا ہے کہ ماڈل نے انتہائی غیر مناسب مغربی لباس پہنا ہوا ہے اور سوئمنگ پول کے کنارے کھڑی ہیں۔

تصاویر اور ویڈیو دیکھیں:

یہ بات بھی قابل ذکر ہے کہ نتاشا حسین کی باصلاحیت بیٹی تانیہ حسین بھی شوبزانڈسٹری میں قدم رکھ چکی ہیں اور اب تک کئی کامیاب ٹی وی ڈراموں میں اپنی فنکارانہ صلاحیتوں کا جادو دکھا چکی ہیں۔

نجی ٹی وی کے سپر ہٹ ڈرامے ’بادشاہ بیگم‘ اور پری زاد میں اپنی اداکاری سے سب کی توجہ حاصل کرنے والی تانیہ حسین اب ایک جانا مانا چہرہ بن چکی ہیں۔

نتا شا حسین نے اپنے ایک حالیہ انٹرویو میں بتایا کہ ان کی پہلی شادی زیادہ عرصہ نہیں چلی تھی اور اس کا انجام طلاق پر ہوا تھا۔

اپنی پہلی شادی اور اداکاری میں آگے بڑھنے کے حوالے سے بات کرتے ہوئے بتایا کہ اس رشتے میں پابندیاں بہت تھیں جس کی وجہ سے آگے کام کرنے کا موقع نہیں ملا تھا۔

جس کے بعد نتاشا حسین نے عباس حسین سے شادی کی جنہوں نے ہر لحاظ سے انہیں سراہا اور ان کو آگے بڑھنے سے نہیں روکا۔

اداکارہ نے اپنے کیریئر کے حوالے سے بات کرتے ہوئے بتایا کہ انہوں نے اداکاری کے لئے بہت دیر کردی تھی لیکن اب بھی انہیں بہت اچھے کردار ملتے ہیں۔