بھارت کی معروف اداکارہ تبو کا کہنا ہے کہ اجے دیوگن کی وجہ سے آج تک شادی نہیں کر سکی۔

حال ہی میں ایک انٹرویو کے دوران بھارت کی معروف اداکارہ تبو نے کہا کہ اجے میرے کزن سمیر کے پڑوسی اور دوست تھے۔ کچھ وقت میں میری بھی ان سے دوستی ہوگئی لیکن یہ مجھے پر چھپ چھپ کر نظر رکھتے تھے اور جس بھی لڑکے کو میرے ساتھ بات کرتے دیکھ لیتے تو کزن سمیر کے ساتھ مل کر اسے مارتے۔

انہوں نے کہا کہ یہی وجہ ہے کہ میں آج تک کنواری ہوں، شادی نہیں ہو سکی، میں تو اب بھی ہر روز اجے سے کہتی ہوں کہ میرے لیے کوئی اچھا سا لڑکا ڈھونڈ دو۔

اداکارہ نے کہا کہ میں یہ بھی کہنا چاہتی ہوں کہ اجے نے بچپن سے لیکر آج تک میرا بہت خیال رکھا ہے، یہ بہت اچھا ہے۔ یہی نہیں اگر اس پوری فلمی دنیا میں سب سے زیادہ کسی مرد پر یقین کرتی ہوں تو وہ اجے ہے۔

   واضح رہے کہ تبو اور اجے دیوگن نے ایک ساتھ کئی فلمیں کی ہیں یہی نہیں انہیں ایک دوسرے کے ساتھ اتنا دیکھا گیا ہے کہ بہت مرتبہ یہ بھی خبریں گردش کرتی نظر آئیں کہ یہ ایک دوسرے سے شادی کرنا چاہتے تھے۔