بھارت کے معروف اداکار سونو سود کوٹک ٹاکر خابے لیم کی مدد کرنا مہنگا پڑگیا۔

حال ہی میں مشہور ٹک ٹاکر خابے لیم نے اپنے انسٹاگرام اکاؤنٹ پر ایک ویڈیو پوسٹ کی ہے جسے مداحوں کی جانب سے خوب پسند کیا جارہا ہے۔

شیئر کی گئی ویڈیو میں دیکھا جاسکتا ہے کہ سونو اور خابے ایک میز پر بیٹھے ہوئے ہیں، سونو جوس کا جگ پکڑے اپنے گلاس سے پہلے خابی کے گلاس میں جوس ڈالتے ہیں جبکہ خابے موبائل پر اسکرولنگ میں مصروف ہیں۔

 سونو سارا جوس خابے کے گلاس میں ڈال دیتے ہیں اور اپنے لیے بس دو گھونٹ ہی بچاتے ہیں، جب سونو جوس اسٹرا سے پینے لگتے ہیں تو خابے ان کے گلاس کی طرف لپکتے ہیں۔

یہ بھی پڑھیں؛ ٹک ٹاکر خابی لیم اسپانسر ویڈیو سے کتنا کماتے ہیں؟ جان کر آپ بھی حیران ہوجائیں گے

سونو سمجھتے ہیں کہ شاید یہ گلاس بدلنا چاہتے ہیں تو وہ خابے کو منا کر دیتے ہیں کہ میرے لیے اتنا جوس کافی ہے لیکن حقیقت تب سامنے آتی ہے جب خابے آگے بڑھ کر سونو کے گلاس سے اسٹرا نکال کر اپنے جوس کے گلاس میں ڈال کر جوس پینے لگتے ہیں۔

سوشل میڈیا پر ان دونوں کی یہ مزاحیہ ویڈیو خوب وائرل ہو رہی ہے اور مداحوں کی جانب سے دلچسپ تبصروں کا سلسلہ جاری ہے۔