پاکستان کی معروف اداکارہ صدف کنول کا کہنا ہے کہ میں نے آج تک شہروز سبزواری کو کوئی تحفہ نہیں دیا۔

حال ہی میں اداکارہ صدف کنول نے اپنے شوہر کے ہمراہ ایک انٹرویو دیا جس میں میزبان نے سوال کیا کہ رشتے کے آغاز میں آپ دونوں نے ایک دوسرے کو کیا تحائف دے؟

سوال کے جواب میں شہروز سبزواری نے کہا کہ میں نے صدف کو جو پہلا تحفہ دیا تھا وہ مجھے آج تک یاد ہے کیونکہ وہ میری جیب پر کافی بھاری پڑا تھا، وہ ایک برانڈڈ چمڑے کا بیگ تھا۔

اسی وقت صدف کنول نے کہا کہ شہروز نے انہیں ایک گھڑی بھی بطور تحفہ دی تھی۔

  انہوں نے کہا کہ میں نے آج تک شہروز سبزواری کو کوئی تحفہ نہیں دیا ہے، اپنی بیٹی کے علاوہ شہروز کو کچھ تحفہ نہیں دیا۔

  صدف نے کہا کہ زیادہ سے زیادہ میں نے شہروز کو پرفیوم، گلاسز یا پھر کوئی اسپیکر دیے ہوں گے۔

اداکارہ نے میاں بیوی کے درمیان تحفوں کی لین سے متعلق بات کرتے ہوئے کہا کہ میرے خیال میں بیوی کو شوہر کو تحفہ نہیں دینا چاہیے، بیوی کو شوہر سے صرف گفٹ لینا چاہیے، بیوی شوہر کو پیار دے اور بچے دے اتنا کافی ہے۔