حکومت کی جانب سے نامور اداکار فردوس جمال کو ایک کروڑ روپے کا امدادی چیک دے دیا گیا ہے۔

امدادی چیک وزیر اعظم شہباز شریف کے مشیر امیر مقام نے  فردوس جمال کے گھر پہنچ کردیا۔ امیر مقام نے فردوس جمال کی جلد صحتیابی کے لیے دعا بھی کی۔

اس موقع پر فردوس جمال نے وزیراعظم شہباز شریف سے اظہار تشکر کرتے ہوئے کہا کہ ’میں  شکر گزار ہوں کہ ریاست نے اس حوالے سے سوچا، ہم اس ریاست کا اثاثہ ہیں۔

یہ بھی پڑھیں: پاکستانی اداکار فردوس جمال جان لیوا بیماری میں مبتلا

ادھر فنکار برادری نے وزیر اعظم شہباز شریف کی جانب سے  سینئر اداکار فردوس جمال کی ایک کروڑ روپے کی  مالی مدد کرنے پر شکریہ ادا کیا ہے۔

خیال رہے کہ رواں ماہ کے اوائل میں سینئر اداکار فردوس جمال کے بیٹے حمزہ فردوس نے والد گرامی میں کینسر کی تشخیص کی تصدیق کی تھی۔