پاکستان شوبز انڈسٹری کی مشہور اداکارہ ماہرہ خان اکثر سرخیوں میں رہتی ہیں لیکن اکثر ایسا بھی ہوتا ہے کہ انہیں اپنے انداز کی وجہ سے کافی تنقید کا سامنا کرنا پڑتا ہے۔

 معروف اداکارہ نے حال ہی میں جدہ میں جاری ریڈ سی فلم فیسٹیول میں شرکت کی اور اس موقع پر اپنی تازہ ترین تصاویر اور ویڈیو سوشل میڈیا پر اپنے مداحوں سے شئیر کیں۔

وائرل تصاویر میں دیکھا جا سکتا ہے کہ ماہرہ خان نے دو مختلف ایونٹ پر بلیو اور گولڈن رنگ کے انتہائی بولڈ انداز کے ماڈرن ڈریسز زیب تن کیے ہوئے ہیں ۔

واضح رہےکہ سعودی عرب میں ہونے والے 10 روزہ ریڈ سی فلم فیسٹیول میں دنیا بھر کے فلم میکرز کی پروڈکشن کو پیش کیا جارہا ہے۔

تصاویر دیکھیں:

اس فیسٹول میں دنیا بھر کے 67 ممالک سے 138 فلموں کو پیش کیا جارہا ہے ۔

 یہ فلمی میلہ سعودی عرب میں سجائے جانے کے باوجود بھی کسی پاکستانی فلم میکر کی کوئی پروڈکشن کو میلے میں اسکرین نہیں کیا جائے گا۔

ریڈ سی فیسٹول کا آغاز ہی سابق وزیراعظم عمران خان کی سابق اہلیہ جمائما اسمتھ کی پروڈکش میں بنائی جانے والی فلم ?What’s Love got to do with it کو اسکرین کیا گیا.

اس فلم میں بالی وڈ کی شبانہ اعظمی سمیت پاکستانی اسٹار سجل علی نے بھی اداکاری کے جوہر دیکھائے ۔

ماہرہ خان کی یہ تصاویر سوشل میڈیا پر وائرل ہوئیں تو صارفین کو ایک انکھ نا بھائیں کسی نے ان کے لباس پر تنقید کی تو کسی نے ان کے اس انداز کو بے شرمی قرار دیا۔