چند روز قبل سوشل میڈیا پر ایک ویڈیو وائرل ہوئی تھی جس میں عائشہ نامی لڑکی مقبول بھارتی گانے ’میرا دل یہ پکارے آجا‘ پر رقص کرتی نظر آئی تھی۔

لوگوں نے اس لڑکی کے ڈانس اسٹیپس کو اتنا پسند کیا کہ اسے لاکھوں شیئرز ملنے لگے اور وہ لڑکی راتوں رات پاکستان کی مشہور شخصیت بن گئی۔

عائشہ نامی لڑکی کی ویڈیو سوشل میڈیا پر وائرل ہوتے ہی ندا یاسر نے فوری طور پر اس لڑکی کو اپنے مارننگ شو میں مدعو کیا۔

لڑکی نے بتایا کہ وہ ایک دوست کی شادی میں تھی اور اس کے دوست نے اسے اس گانے پر ڈانس کرنے کو کہا جس پر وہ ڈانس کرتی نظر آئی۔

ان کا کہنا تھا کہ ان کے ڈانس اسٹیپس خود بنائے ہیں اور وہ خود نہیں جانتی تھیں کہ پاکستانی لوگ میرے ڈانس اسٹیپس کو اتنا پسند کریں گے۔

حال ہی میں ایک چاچا کی ویڈیو سوشل میڈیا پر وائرل ہوئی جس میں انہیں ’میرا دل یہ پکارے آجا‘ پر رقص کرتے ہوئے دیکھا جاسکتا ہے اور وہ عائشہ کے اسٹیپس کو کاپی کر رہے ہیں۔

یہ بھی پڑھیں: لیڈی پولیس آفیسر کی ’میرا دل یہ پکارے آجا‘ پر رقص کرنے کی ویڈیو وائرل

اس موقع پر موجود لوگوں کو چاچا کا ڈانس خوب پسند آیا اور ان کی تعریفیں بھی کیں۔

ویڈیو سوشل میڈیا پر وائرل ہوئی تو صارفین کی جانب سے دلچسپ تبصرے سامنے آئے۔

ایک صارف نے لکھا کہ ’’بھائی سیٹی بجاتے رہو‘‘۔ ایک نے کہا، “مجھے پسند آیا کہ وہ جس طرح سے لطف اندوز ہو رہا ہے۔” ایک اور نے کہا، “چاچا بہت زور سے ہل رہے ہیں۔”