بھارت کی خوبصورت اداکارہ دیپیکا پڈوکون ایک اور بین الاقوامی اعزاز اپنے نام کرنے میں کامیاب ہو گئیں۔

بھارتی میڈیا رپورٹ کے مطابق دیپیکا پڈوکون کی ٹیم کے قریبی ذرائع نے بتایا ہے کہ اداکارہ قطر میں جاری فٹ بال ورلڈ  کپ کے فائنل میں ٹرافی کی رونمائی کریں گی۔

اداکارہ قطر کے شہر لوسیل کے اسٹیڈیم میں 18 دسمبر کو ٹرافی کی رونمائی کریں گی۔

بھارتی میڈیا کا دعویٰ ہے کہ اداکارہ دیپیکا پہلی اداکارہ ہوں گی جنہیں دنیا میں سب سے زیادہ دیکھے جانے والے کھیل کی ٹرافی کی رونمائی کا اعزاز حاصل ہوگا۔

واضح رہے کہ اداکارہ دیپیکا پڈوکون کو ’گولڈن ریشیو آف بیوٹی‘ کے مطابق دنیا کی 10 خوبصورت ترین خواتین میں شمار کیا جاتا ہے، اور وہ رواں سال 75 ویں کانز فلم فیسٹول میں بھی بھارت کی نمائندگی کرتے ہوئے فیسٹول میں جیوری ممبر مقرر کی گئی تھیں۔