سپر اسٹار شاہ رخ خان کی فلم پٹھان مودی سرکار کی جانب سے بائیکاٹ کے مطالبے اور دیگر تنازعات کیساتھ ساتھ ایک اور مشکل کا شکار ہوگئی۔

بھارتی میڈیا رپورٹس کے مطابق شاہ رخ خان کی فلم “پٹھان” پر بھارتی سینسر بورڈ کا فیصلہ آگیا ہے، سینسر بورڈ نے فلم اور گانوں پر اعتراض اٹھاتے ہوئے تبدیلی کرنے کے بعد نیا ورژن بورڈ کے سامنے پیش کرنے کا حکم دیدیا۔

انتہا پسند ہندوؤں کی جانب سے اعتراض کے بعد سینٹرل بورڈ آف فلم سرٹیفکیشن ( سی بی ایف سی ) کی جانب سے فیصلہ سامنے آیا، جس میں فل پروڈیوسر سے کہا گیا کہ وہ فلم اور گانوں میں تبدیلی کر کے نیا ورژن بورڈ کے سامنے پیش کریں۔

مزید پڑھیں: فلم ’پٹھان‘  کیلئے شاہ رخ خان نے کتنے سال سخت ورزش کی؟

واضح رہے کہ رواں ماہ  فلم پٹھان کا گانا ” بے شرم رنگ” ریلیز ہوتے ہی انتہا پسند ہندوؤں کے نشانےپر آگیا تھا ، جنہوں نے فلم کی ہیروئن  دپیکا پڈوکون کے زعفرانی لباس پر اعتراض کیا تھا۔

‘بے شرم رنگ گانا فلم ’پٹھان

انتہا پسندوں کی جانب سے کہا گیا کہ زعفرانی رنگ ہندو دھرم میں مقدس مانا جاتا ہے جبکہ گانے میں اس رنگ کی توہین کی گئی ہے۔

پٹھان

فلم ’پٹھان‘ کو شوٹنگ کے آغاز سے ہی ہندو شدت پسندوں کی جانب سے مسلسل تنقید کا نشانہ بنایا جارہا ہے تاہم فلم کے او ٹی ٹی رائٹس ریلیز سے قبل ہی تقریباً 100 کروڑ روپے میں فروخت ہو چکے ہیں اور یہ رقم پاکستانی کرنسی میں 270 کروڑ روپے سے زائد بنتی ہے۔

 کنگ خان کی فلم پٹھان کے او ٹی ٹی حقوق ایمیزون پرائم نے خریدے ہیں اور فلم مارچ کے آخر یا اپریل کے اوائل میں او ٹی ٹی پلیٹ فارم پر ریلیز کی جائے گی۔

ریاست بہار میں شاہ رخ خان کی فلم پٹھان کے خلاف مودی سرکار کے اراکین اسمبلی کی جانب سے مقدمہ درج کیا جا چکا ہے، ایم پی ایز کی جانب سے مسلسل فلم میں کپڑوں کے رنگ پر ہنگامہ مچایا جا رہا ہے۔

حال ہی میں بھارتی شہر کلکتہ میں ایک فلم فیسٹیول کے دوران خطاب کرتے ہوئے شاہ رخ خان نے کہا کہ کچھ دنوں سے ہم لوگ یہاں پر نہیں آئے ہیں، آپ لوگوں سے مخاطب نہیں ہوپائے ہیں، آپ لوگوں سے مل نہیں پائے ہیں لیکن اب دنیا نارمل ہوگئی ہے۔

انہوں نے کہا کہ ہم سب خوش ہیں ، میں سب سے زیادہ خوش ہوں اور یہ بات بتانے میں مجھے کوئی دقت نہیں ہے کہ دنیا  کچھ بھی کرلے ، میں  اور آپ لوگ اور جتنے بھی مثبت لوگ ہیں سب کے سب ’زندہ‘ ہیں۔

فلم پٹھان میں  شاہ رخ خان کے ہمراہ اداکارہ دیپیکا پاڈوکون اور  اداکار جان ابراہم بھی مرکزی کردار  میں نظر آئیں گے۔

مزید پڑھیں:  شاہ رخ خان کی فلم ’پٹھان‘ میں جان ابراہم کس نئے لُک میں نظر آئینگے؟ ٹیزر جاری

واضح رہےکہ فلم کے گانے ’بے شرم رنگ‘ پر بھارت بھر میں احتجاج ہورہے ہیں اور کئی مقامات پر فلم کو ریلیز نہ ہونے دینے کی بھی دھمکی دی گئی ہے۔