پاکستان شوبز انڈسٹری کے سینئر اداکار بہروز سبزواری نے کہا ہے کہ خواتین کو مناسب انداز میں لباس زیبِ تن کرنے چاہیے۔

حال ہی میں اپنے دیے گئے ایک انٹرویو میں اداکار بہروز سبزواری کا کہنا تھا کہ پاکستان میں بہت سارے لوگوں کے پاس موٹر سائیکلیں ہیں، ظاہر ہے ہر کوئی کاریں نہیں خرید سکتا لیکن میں نے ایک بات دیکھی ہے کہ موٹر بائیک پر بیٹھی ہماری خواتین  مناسب لباس نہیں پہنتیں۔

انہوں نے کہا کہ کچھ خواتین عجیب و غریب کپڑے پہن کر بائیک پر بیٹھی ہوتی ہیں جنہیں مناسب نہیں کہا جا سکتا۔

یہ بھی پڑھیں: سینئر اداکار بہروز سبزواری کا اپنے بیٹے شہروز سبزواری سے متعلق اہم انکشاف

ان کا کہنا تھا کہ وہ لباس عام طور پر بہت تنگ ہوتے ہیں، خواتین کو اس بات کا خیال رکھنا چاہیے کہ وہ مکمل پردہ کریں اور خود کو ڈھانپ کر بائیک پر سوار ہوں اس کو سختی سے ذہن میں رکھنا چاہیے۔

اداکار بہروز سبزواری نے مزید کہا کہ مردوں کو بھی اپنی آنکھوں پر قابو رکھنا چاہیے اور خواتین کو مناسب انداز میں لباس زیبِ تن کرنے چاہیے۔

یہ بھی پڑھیں: اگر میاں بیوی میں انڈراسٹینڈنگ اچھی ہو تو کوئی بھی کچھ نہیں کرسکتا، بہروز سبزواری