بھارتی فلم ’فتور‘ میں اداکاری کے جوہر دکھانے والی بالی ووڈ انڈسٹری کی اداکارہ تُنیشا شرما نے ایک ٹی وی شو کے سیٹ پر خود کشی کر لی۔

بھارتی میڈیا رپورٹس کے مطابق اداکارہ تُنیشا شرما نے بروز ہفتہ ایک ٹی وی شو کے سیٹ پر خود کشی کی۔

اداکارہ کو ریاست مہاراشٹرا کے اسپتال فوری طور پر منتقل کیا گیا لیکن وہاں پہنچتے ان کی موت واقع ہو چُکی تھی۔

پولیس کا کہنا ہے کہ اداکارہ نے ٹی وی سیریل کے سیٹ پر موجود میک اپ روم کے پنکھے سے لٹک کر خود کشی کی، اداکارہ کو فوری طور پر اسپتال منتقل کیا گیا لیکن وہ پہلے ہی انتقال کر چُکی تھیں۔

بتایا جا رہا ہے کہ اداکارہ کچھ دنوں سے سیٹ پر افسردہ نظر آرہی تھیں، اداکارہ تنیشا کی عمر 20 برس تھی۔

واضح رہے کہ تُنیشا شرما متعدد ٹی وی سیریلز میں اپنے بہترین اداکاری کے جوہر دِکھا چُکی ہیں جبکہ بالی ووڈ فلموں میں بھی قدم جمانا شروع کر دیے تھے۔