سابق وزیراعظم عمران خان کی سابقہ اہلیہ جمائما گولڈ اسمتھ نے اداکارہ سجل علی سے محبت کا اظہار کیا ہے۔

جمائما گولڈ اسمتھ نے سجل علی کے ایک انٹرویو کی ویڈیو شئیر کی۔

شئیر کی گئی ویڈیو پر انہوں نے لکھا کہ وہ سجل سے بہت پیار کرتی ہیں اور وہ انتظار نہیں کر پا رہیں کہ لوگ سجل کو ان کی فلم میں دیکھیں۔

وائرل ویڈیو میں سجل علی کا جمائما کی نئی آنے والی فلم کے بارے میں کہنا تھا کہ یہ پہلا پراجیکٹ ہے جس میں پاکستان کے کلچر کو اچھے انداز میں میوزک اور ڈائیلاگ کے ذریعے دکھایا گیا ہے۔

یاد رہے برطانوی فلم ساز و لکھاری جمائما گولڈ اسمتھ کی پروڈیوس کردہ فلم ’واٹس لو گاٹ ٹو ڈو وِد اٹ’ میں سجل علی اہم کردار میں نظر آئیں گی، جو جنوری 2023 میں ریلیز کی جائے گی۔

فلم کے مرکزی کرداروں میں شبانہ اعظمی، للی جیمز اور شہزاد لطیف نظر آئیں گے۔