امریکی اداکار جونی ڈیپ اور ان کی سابقہ اہلیہ ایمبر ہرڈ کے درمیان معاہدے پر پاکستانی اداکار و گلوکار علی ظفر کا ردعمل سامنے آگیا۔

برطانوی اخبار ڈیلی میل کے مطابق ڈیپ اور ایمبر ہرڈ کے درمیان ایک سمجھوتہ ہوا ہے جس میں اداکارہ کی انشورنس کمپنی ڈیپ کو ایک ملین ڈالر ادا کرے گی، جس کی تصدیق ڈیپ کی ٹیم کی جانب سے بھی کی گئی ہے۔

انہوں نے مداحوں کو انسٹاگرام پر اپنے فیصلے سے آگاہ کیا۔

اس پر علی ظفر نے ردعمل دیتے ہوئے کہا کہ ایمبر ہرڈ نے یہ فیصلہ امریکا کے قانونی نظام پر غیر یقینی کی بنیاد پر کیا ہے، وہ ایسا ہرگز نہیں کرنا چاہتی تھیں مگر وہ مجبور ہوگئیں کیونکہ وہ کورٹ کے چکر اور اخراجات مزید برداشت نہیں کرسکتیں۔

انہوں نے سوالیہ انداز میں کہا کہ مبینہ طور پر کسی کی زندگی کو تباہ کرنے کی کوشش کرکے اسے ناقابل تلافی مالی اور جذباتی نقصان پہنچانا، حقیقی متاثرین کی وجہ کو بنیاد بناکر اس کا کیریئر تباہ کرنا، بڑے پیمانے پر ہنگامہ آرائی کرکے معاملے کو اچھالنا، یہاں تک کہ دوسری خواتین اور میڈیا تک کو بھی اپنی حمایت کے لیے گمراہ کرنا اور پھر یہ سب کرنے کے بعد معاملہ ختم ہی کردینا۔

Allegedly,try & destroy someone’s life, cause him irreparable financial/emotional damage,ruin his career by hijacking the cause of real victims, mislead other women & the press into supporting you, create a massive ruckus and then “SETTLE”? Good enough ? #AmberHeard #JohnnyDepp https://www.bolnews.com/urdu/entertainment/2022/12/272098/amp/

Advertisement

— Ali Zafar (@AliZafarsays) December 20, 2022

گلوکار علی ظفر نے طنز کرتے ہوئے کہا کہ یہ کافی اچھا اقدام ہے۔

واضح رہے کہ ایمبر ہرڈ اور ان کے سابقہ شوہر جانی ڈیپ کے درمیان طویل عرصے سے چلنے والی قانونی جنگ بلآخر ختم ہوگئی ہے۔

اداکارہ نے فیصلہ کیا ہے کہ وہ جانی ڈیپ پر لگائے گئے تمام الزامات کا ازالہ کریں گی۔