بھارت کے معروف اداکار سشانت سنگھ راجپوت کا خودکشی والا فلیٹ لوگوں کے لیے خوف کی علامت بن گیا۔

بھارتی میڈیا رپورٹ کے مطابق اداکار جس فلیٹ میں مردہ حالت میں پائے گئے تھے وہ ڈھائی سال بعد اب بھی خالی ہے۔

بروکر رفیق مرچنٹ نے اس فلیٹ کو کرائے پر دینے کے لیے ایک ویڈیو بنا کر سوشل میڈیا پر شیئر کرتے ہوئے، گھر کی خصوصیات اور آسائشیں بھی دکھائیں تاکہ کوئی کرائے دار مل جائیں۔

ویڈیو کو شئیر کرواتے ہوئے، انہوں نے بتایا کہ فلیٹ کا ماہانہ کرایہ پانچ لاکھ بھارتی روپے ہے۔

Sea Facing Duplex 4BHK with a Terrace Mont Blanc
5 lakhs Rent
Carter Road, Bandra West. RAFIQUE MERCHANT 9892232060, 8928364794 pic.twitter.com/YTcjIRiSrw

— Rafique Merchant (@RafiqueMerchant) December 9, 2022

رفیق مرچنٹ کا کہنا ہے کہ ابتداء میں پولیس نے تحقیقات کی غرض سے فلیٹ کو سیل کردیا تھا تاہم موت کا تعین ہونے کے بعد پراپرٹی کو مالک کی تحویل میں دے دیا گیا ہے۔

اس فلیٹ کے مالک نے انکشاف کیا ہے کہ سشانت سنگھ کی موت سے قبل اس فلیٹ کی بہت زیادہ اہمیت تھی، یہاں بہت سی کاروباری شخصیات اور بالی ووڈ کے نامور اداکاروں نے رہائش اختیار کی۔

انہوں نے بتایا کہ ہمارے پاس بیک وقت دو کرائے دار بھی فلیٹ لینے کے لیے کھڑے ہوتے تھے مگر 14 جون 2020 (جب سشانت سنگھ نے خودکشی کی) کے بعد سے کوئی بھی اس فلیٹ میں رہائش کے لیے تیار نہیں ہے۔