پاکستان شوبز انڈسٹری کی مایہ ناز اداکارہ عائشہ عمر نے بھی فوٹو اور ویڈیو شیئرنگ ایپ انسٹاگرام پر 5.5 ملین فالوورز کا سنگ میل عبور کرلیا ہے۔

تفصیلات کے مطابق ورسٹائل خوبرو اداکارہ عائشہ عمر انسٹاگرام پر 5.5 ملین فالوورز کے بعد پاکستان میں سب زیادہ انسٹاگرام پر فالو کی جانے والی اداکاراؤں کی فہرست میں اپنی جگہ بنانے میں کامیاب ہوگئی ہیں۔

اداکارہ کی جانب سے اپنے انسٹاگرام اکاؤنٹ پر ایک ویڈیو شئیر کی گئی ہے، جس میں انہیں ساحل سمندر کے کنارے انجوائے کرتے ہوئے دیکھا جاسکتا ہے۔

عائشہ عمر نے ساتھ ہی اپنے مداحوں کا شکریہ بھی ادا کیا۔

انہوں نے ویڈیو شئیر کرواتے ہوئے لکھا کہ میری پرسکون جگہ۔

عائشہ عمر نے لکھا کہ میں آپ کی محبت کے لیے ہر روز دل کی گہرائیوں سے شکر گزار ہوں، جس طریقے سے آپ لوگ مجھ سے محبت کرتے ہیں۔

اس سے قبل اداکارہ نے اپنے آفیشل انسٹاگرام اکاؤنٹ پر متعدد ویڈیوز شئیر کی تھیں، جس میں وہ ایک پارٹی میں موجود تھیں۔

اس پارٹی کے لیے عائشہ عمر نے لال رنگ کی ساڑھی کا انتخاب کیا تھا، لیکن یہ ساڑھی ان کے مداحوں کو بالکل پسند نہیں آئی اور انہوں نے اداکارہ کو شدید تنقید کا نشانہ بنایا۔

&

nbsp;

ویڈیوز میں عائشہ عمر کو پارٹی میں بولڈ پوز دیتے ہوئے بھی دیکھا گیا تھا۔

ویڈیوز وائرل ہونے کے بعد سوشل میڈیا صارفین کی جانب سے غیر مناسب لباس پر انہیں شدید تنقید کا نشانہ بنایا گیا اور مختلف کمنٹس بھی کیے گئے۔

جلال بٹ نامی ایک صارف نے کمنٹ کیا کہ یار ان کو سردی کیوں نہیں لگتی۔

جواب میں اداکارہ نے لکھا کہ کیونکہ کراچی میں سردی نہیں آئی۔

واضح رہے کہ معروف اداکارہ عائشہ عمر سپرہٹ ڈرامہ سیریل ’بلبلے‘ سمیت  ’کراچی سے لاہور‘، ’رہبرا‘ اور کئی  مشہور فلموں اور ڈراموں میں اپنی اداکاری کے جوہر دکھا چکی ہیں۔