بھارت کی مشہور اداکارہ کیارا ایڈوانی اکثر سوشل میڈیا پر متحرک نظر آتی ہیں اور اپنی نت نئی تصاویر شیئر کرتی رہتی ہیں جنہیں مداحوں کی جانب سے پسند بھی کیا جاتا ہے۔

حال ہی میں معروف اداکارہ نے اپنے انسٹاگرام اکاؤنٹ کا رخ کیا جہاں انہوں نے چند تصاویر شیئر کیں جنہیں کچھ صارفین کی جانب سے پسند نہیں کیا گیا۔

شیئر کی گئی تصاویر میں دیکھا جاسکتا ہے کہ کیارا ایڈوانی نے سبز رنگ کا انتہائی غیر مناسب لباس زیب تن کیا ہوا ہے جس کی وجہ سے انہیں تنقید کا سامنا کرنا پڑ رہا ہے۔

تصاویر میں یہ بھی دیکھا جاسکتا ہے کہ کیارا ایڈوانی نے اونچی ہیل پہنی ہوئی ہے اور مختلف پوز میں تصاویر بنوائیں۔

کیارا ایڈوانی نے تصاویر شیئر کرتے ہوئے کیپشن میں لکھا کہ ’پسندیدہ سبز‘۔

کیارا ایڈوانی کی یہ تصاویر سوشل میڈیا پر وائرل ہوئیں تو صارفین کی جانب سے ملے جلے ردعمل سامنے آئے کسی نے ان کی خوب تعریف کی تو کسی نے انہیں لباس کی وجہ سے تنقید کا نشانہ بنایا۔

کیارا ایڈوانی نے ’شیر شاہ‘، ’جگ جگ جیو‘ اور کئی مشہور فلموں میں اپنی اداکاری کے جوہر دکھائے۔