امریکا کے شہر لاس ویگاس میں منعقدہ مقابلہ حسن میں سرگم کوشل نے 21 برس بعد مسز ورلڈ 2022 کا اعزاز اپنے نام کرلیا۔

اس عالمی مقابلے میں 63 ممالک سے تعلق رکھنے والی شادی شدہ خواتین نے شرکت کی اور مختلف مراحل کے بعد بھارت کی سرگم کوشل مسز ورلڈ بن گئیں۔

جیوری پینل میں بھارتی اداکارہ سوہا علی خان، سابق مسز ورلڈ ادیتی گوتریکر، وویک اوبرائے اور محمد اظہر الدین بھی شامل تھے۔

بھارت نے دوسری مرتبہ مسز ورلڈ کا تاج اپنے نام کیا ہے، اس سے قبل ڈاکٹر ادیتی گوتریکر نے 2001ء میں یہ اعزاز حاصل کیا تھا۔

واضح رہے کہ سرگم کوشل کا تعلق مقبوضہ جموں کشمیر سے ہے، انہوں نے انگریزی ادب میں پوسٹ گریجویشن کیا ہے اور کچھ عرصہ تدریسی فرائض بھی سرانجام دیے ہیں۔

انہوں نے بھارتی بحریہ کے ایک افسر سے 2018ء میں شادی کی تھی۔