بھارتی اداکارہ جیکولین فرنینڈس کو سوشل میڈیا پر کاسمیٹک سرجری سے متعلق بیان پر تنقید کا سامنا کرنا پڑ رہا ہے۔

اداکارہ جیکولین کی ایک پرانی ویڈیو سوشل میڈیا پر گردش کررہی ہے جس میں انہیں ’مس سری لنکا‘ کے ایڈیشن 2006ء کے سوال جواب کے سیشن میں بات کرتے ہوئے دیکھا جاسکتا ہے۔

ویڈیو میں انہوں نے کاسمیٹک سرجری کے بارے میں کہا کہ کاسمیٹک سرجری ایک غیر منصفانہ فائدہ ہے، یہ مقابلہ حسن کے پورے تصور کے خلاف ہے۔

اداکارہ کا کہنا تھا کہ اگر بات کاسمیٹک سرجری کی حوصلہ افزائی کی ہے تو اس صورتحال میں یہ مسئلہ بھی ہے کہ کون اس طرح کی سرجری کروانے کا خرچہ برداشت کر سکتا ہے۔

اس ویڈیو پر سوشل میڈیا صارفین کی جانب سے جیکولین پر اس لیے تنقید کی جارہی ہے کہ جب وہ کاسمیٹک سرجری کو غیر منصفانہ فائدہ سمجھتی ہیں تو انہوں نے خود کاسمیٹک سرجری کیوں کروائی ہے۔