پاکستان کی مشہور و معروف اداکارہ ریما خان اور گلوکارہ حمیرا چنا کی نئی ویڈیو نے سوشل میڈیا پر تہلکہ مچادیا ہے۔

حال ہی میں ریما خان اور حمیرا چنا کو ایک ساتھ دیکھا گیا جس میں انہیں 90 کی دہائی کی فلم کا مشہور گانا چار دنوں کا ساتھ ہے، گنگناتے ہوئے دیکھا جاسکتا ہے۔

اس ویڈیو میں اداکارہ ریما خان کو ڈانس کرتے ہوئے بھی دیکھاجاسکتا ہے۔

وائرل ویڈیو کو دونوں کے مداحوں کی جانب سے بہت پسند کیا جارہا ہے اور محبت بھرے تبصروں کا سلسلہ بھی جاری ہے۔

اس سے قبل اداکارہ نے اپنے انسٹاگرام اکاؤنٹ پر چند تصاویر پوسٹ کی تھیں۔

شیئر کی گئی تصاویر میں اداکارہ ورزش کر رہی تھیں۔

تصاویر کے کیپشن میں اداکارہ ریما خان نے لکھا تھا کہ اچھی صحت سے لطف اندوز ہونے کے لیے آپ کو ورزش ضرور کرنی چاہئیے۔

واضح رہے کہ ریما خان کا شمار پاکستان کی سدا بہار خوبصورت رہنے والی شخصیات میں ہوتا ہے۔

ریما خان ایک سابق اسٹیج ڈانسر، لالی وڈ اداکارہ، ہدایت کار، پروڈیوسر اور ایک ٹیلی ویژن میزبان ہیں۔

 ریما خان نے اپنے کیرئیر کا آغاز بطور چائلڈ ایکٹریس 1985 میں فلم ‘قسمت’ سے کیا تھا، انہیں پہلی بار 1990 میں ایک پاکستانی فلم میں دیکھا گیا۔

نومبر 2011 میں ریما خان کی شادی معروف پاکستانی نژاد امریکی ماہر امراض قلب ایس طارق شہاب سے ہوئی اور  2015 میں ریما خان کے ہاں پہلے بیٹے اذلان کی پیدائش ہوئی تھی۔