بالی ووڈ کے معروف اداکار نواز الدین صدیقی اپنی بیٹی شورا صدیقی کے ہمراہ پہلی بار منظر عام پر آگئے۔

انڈیا ٹوڈے کے مطابق نواز الدین صدیقی اور ان کی بیٹی کی ایک ویڈیو سوشل میڈیا پر وائرل ہو گئی ہے۔

ویڈیو میں دیکھا جاسکتا ہے کہ شورا اپنے والد کے ہمراہ چلتی ہوئی آرہی ہیں۔

بیٹی کو پہلی بار دیکھ کر نواز الدین صدیقی کے مداحوں کی طرف سے خوشی کا اظہار کیا جا رہا ہے اور شورا کی سادگی اور خوبصورتی کی تعریفیں بھی کی جا رہی ہیں۔

ایک شخص نے اس ویڈیو پر کمنٹ کیا کہ اس کی بیٹی بالکل سادہ ہے، فلمی ستاروں کے بچے والے نخرے بالکل نہیں ہیں۔

ایک خاتون نے لکھا کہ بہت خوبصورت لگ رہی ہے، میں نے اسے پہلی بار دیکھا ہے جبکہ ایان نامی ایک شخص نے اپنے کمنٹ میں کہا کہ ماشاءاللہ، بہت خوبصورت۔

خیال رہے کہ اداکار نوازالدین صدیقی کو بالی ووڈ انڈسٹری کی نامور  شخصیات میں شامل کیا جاتا ہے جنہوں نے اپنے کام اور اپنی صلاحیتوں کی بناء پر بہت نام کمایا۔