پاکستان کی سینئر اداکارہ صبا فیصل نے اپنے بیٹے سلمان فیصل اور بہو نیہا سے لا تعلقی کے اعلان کے بعد سوشل میڈیا پر بامعنی پوسٹ شئیر کردی۔

اداکارہ کی جانب سے اپنے آفیشل اکاؤنٹ انسٹاگرام پر ایک پوسٹ شئیر کی گئی ہے، جس میں انہوں نے لکھا کہ اپنی زندگی کے کسی دن پر کبھی افسوس نہ کرنا، اچھے دن خوشیاں دیتے ہیں تو برے دن تجربہ دے جاتے ہیں، برے دن سبق دیتے ہیں اور بہترین دن یادیں دیتے ہیں۔

صبا فیصل کی اس پوسٹ کو ان کے مداحوں کی جانب سے خوب پسند کیا جارہا ہے اور کمنٹس کا سلسلہ بھی جاری ہے۔

یاد رہے کہ صبا فیصل نے کچھ روز قبل اپنی بہو نیہا اور  بیٹے سلمان سے لاتعلقی کا اعلان کیا تھا، جس کے بعد وہ بہو کے حق میں بول پڑیں تھیں۔

صبا فیصل نے اکاؤنٹ پر پوسٹ کی گئی دونوں ویڈیوز ڈیلیٹ کر دی تھیں اور ساتھ  ہی سوشل میڈیا صارفین سے درخواست کی کہ ان کی بہو اور ان کے حوالے سے گندی باتیں نہ کریں اور قیاس آرائیاں کرنا بند کریں۔

اداکارہ نے عوام سے اپیل کی کہ وہ انہیں اور ان کی بہو کو تنقید کا نشانہ نہ بنائیں، وہ ان کے گھریلو معاملات سے متعلق زیادہ نہ سوچیں اور غلط باتیں نہ کریں۔

صبا فیصل نے انسٹاگرام پر ویڈیو شیئر کرتے ہوئے ان تمام افراد کا بھی شکریہ ادا کیا، جنہوں نے ان کی حمایت کی اور انہیں دعائیں دیں۔

صبا فیصل کا کہنا تھا کہ عام لوگوں کو یہ سمجھنا چاہئیے کہ شہرت، دولت اور عزت کمانے والے اداکاروں کی زندگی اور گھروں کی بھی ڈارک سائیڈس ہوتی ہیں۔

انہوں نے کہا کہ میں نے چار سال تک بہو کا مسئلہ برداشت کرکے ایک طرح سے دولت، عزت اور شہرت کی قیمت ادا کی ہے۔

اداکارہ نے لوگوں سے اپیل کی کہ وہ ان کے خاندانی مسائل کو سمجھیں اور ان کی بہو سمیت ان کے حوالے سے غلط باتیں نہ کریں اور وہ ان سے متعلق قیاس آرائیاں کرنا بند کریں۔

گزشتہ دنوں اداکارہ صبا فیصل نے اپنے بیٹے سلمان اور بہو نیہا سے تعلقات ختم کرتے ہوئے اعلان کیا تھا کہ سلمان اور ان کی اہلیہ اب فیملی کا حصہ نہیں ہیں۔

صبا فیصل نے اپنے انسٹاگرام اکاؤنٹ پر جاری ویڈیو میں کہا تھا کہ میں نے اپنے گھر کے نجی معاملات کا یوں کبھی تذکرہ نہیں کیا لیکن اب مجبوراً مجھے آپ لوگوں کو بتانا پڑ رہا ہے، جو لوگ نیہا کی پوسٹس پر مجے گالیاں دیتے ہیں، میں نے بہت ہی خوبصورت زندگی گزاری ہے، لیکن میں اس سے زیادہ کچھ نہیں کہوں گی کہ نیہا جیسی منفی عورت جب خاندان میں آجاتی ہے تو خاندان ٹوٹتے ہیں۔

اداکارہ نے کہا کہ میں پچھلے چار سال سے بیٹے کی وجہ سے بہت مشکل زندگی گزار رہی ہوں، میں یہ ہی سوچتی رہی کہ بیٹا ایسی عورت کے ساتھ کیسے زندگی گزارے گا، میں زیادہ تفصیل میں نہیں جاؤں گی لیکن آپ لوگ اس ویڈیو سے اندازہ لگا سکتے ہیں، بہت سے پیجز نے ہمیشہ اس کی پوسٹ کو اٹھایا اور شئیر کیا، میں اور میری بیٹی خاموش رہے کیونکہ ہماری کہی بات بہت جلدی وائرل ہو جاتی ہے۔

انہوں نے کہا میں اب یہ کہہ رہی ہوں کہ نیہا سے اب ہمارا کوئی تعلق واسطہ نہیں ہے، اور سلمان نے اس کے ساتھ رہنا ہے تو سلمان کے ساتھ ہمارا کوئی واسطہ نہیں ہے، نہ میرا نہ میرے میاں کا، نہ میری بیٹی کا اور نہ ارسلان کا، ہمارا کوئی واسطہ نہیں، اگر وہ سمجھتا ہے کہ اس کی بیوی اگلی زندگی میں اس کیلئے سکون اور عزت کا باعث رہے گی تو میں دعا کرتی ہوں کہ وہ رہے، لیکن سلمان کے ساتھ میرا کوئی واسطہ نہیں ہے۔

ان کا مزید کہنا تھا کہ میں گہرائی میں جاؤں گی تو آپ بہت تھو تھو کریں گے جو میں نہیں چاہتی۔

انہوں نے مداحوں سے اپیل کہ کہ پلیز ججمینٹل نہ ہوں، آپ اس طرح کمنٹس پر کسی کو جج نہیں کرسکتے، میں بس یہی کہوں گی کہ سلمان سے میرا اب کوئی تعلق نہیں اور ایک ماں جب یہ الفاظ بولتی تو آپ سمجھ سکتے ہیں۔