پاکستان کی معروف اداکارہ صرحہ اصغر نے اپنے نومولود بیٹے کی پہلی جھلک اور نام مداحوں کے ساتھ شیئر کردیا۔

اداکارہ نے فوٹو اینڈ ویڈیو شئیرنگ ایپ انسٹاگرام پر ایک ویڈیو شئیر کی ہے جس میں ان کے بیٹے کی پہلی جھلک دیکھی جا سکتی ہے

اداکارہ نے اپنی اس ویڈیو میں بیٹے کا نام بھی مداحوں کو بتادیا۔

انہوں نے اپنے بیٹے کا نام ’احان‘ رکھا ہے۔

اداکارہ صرحہ اصغر نے یہ ویڈیو، بیٹے کے 7 دن کے ہونے پر شیئر کی ہے۔

واضح رہے کہ صرحہ کے ہاں پہلی اولاد کی پیدائش گزشتہ ماہ کی 27 تاریخ کو ہوئی تھی۔

اداکارہ اور ان کے شوہر نے انسٹاگرام اسٹوری کے ذریعے یہ خوشخبری مداحوں کے ساتھ شیئر کی تھی۔

اداکارہ نے اپنے مداحوں کو بیٹے کی پیدائش کی خبر دیتے ہوئے کیپشن میں لکھا کہ الحمداللّٰہ، ہمارا چھوٹا سا بیٹا ہمارے ہاتھوں میں آ گیا ہے۔

یاد رہے کہ اداکارہ نے جنوری 2021ء میں اپنے دوست عمر سے شادی کی تھی۔