بالی ووڈ فلم انڈسٹری کے ورسٹائل اداکار نواز الدین صدیقی نے بتادیا کہ وہ کس سے حسد کرتے ہیں۔

حال ہی میں اپنے دیے گئے ایک انٹرویو میں اداکار نواز الدین صدیقی نے کا کہنا تھا کہ وہ ساؤتھ انڈین اداکار رشبھ شیٹی سے حسد کرتے ہیں۔

انہوں نے کہا کہ حسد کرنا، منفی معنوں میں نہیں ہے بلکہ وہ رشبھ شیٹی کے اچھے کام کی وجہ سے ان سے حسد کرتے ہیں۔

ان کا کہنا تھا کہ پورے ملک نے رشبھ شیٹی کے کام کو خود دیکھا اور حیران ہے کہ کیسے رشبھ نے خاموشی سے کامیابی کے تمام ریکارڈ توڑ دیئے۔

نواز الدین صدیقی نے کہا کہ اب اگر کوئی اچھا کام کرتا ہے تو اس سے تھوڑی بہت جیلیسی تو ہوتی ہے لیکن یہ منفی معنوں میں نہیں ہے بلکہ مقابلہ کرنے اور اس سے بہتر پرفارم کرنے کی جستجو پیدا ہوتی ہے۔

واضح رہے کہ اداکار نواز الدین صدیقی اپنی آنے والی فلم ’ہڈی‘ میں ٹرانسجینڈر کے کردار میں نظر آئیں گے۔