بھارت کی تامل فلموں کی معروف اداکارہ ممتاز نے اسلام کی خاطر شوبز انڈسٹری کو خیرباد کہہ دیا ہے۔

حال ہی میں تامل فلموں کی معروف اداکارہ ممتاز نے اپنے انسٹاگرام اکاؤنٹ پر ایک پوسٹ کی ہے جس میں لکھا ہے کہ ’لوگ ان کے ماضی میں ان کو تلاش کرنے کی کوشش کرتے ہیں‘ ۔

انہوں نے لکھا کہ ’ وہ بہت آگے بڑھ گئی ہیں، میں نے ان چیزوں کو چھوڑ دیا لہٰذا آپ بھی اس کا ذکر نہ کریں ‘۔

 اداکارہ ان دنوں عمرہ کی ادائیگی کیلئے سعودی عرب میں موجود ہیں اور ان کی حجاب کے ساتھ تصاویر سوشل میڈیا پر وائرل ہو گئی ہیں۔

واضح رہے کہ ممتاز نے اپنے کیریئر کا آغاز 1999 میں تامل فلم ’مونیشا ان مونالیزا‘ سے کیا ۔ ان کی مشہور فلموں میں بوند ، چاکلیٹ ، یہ تیرا گھر یہ میرا گھر سمیت دیگر شامل ہیں۔

    ممتاز خان تامل بگ باس کی بھی امیدوار رہیں جبکہ وہ اپنے دور میں فلمی گانوں میں ایک آئٹم گرل کے حوالے سے جانی جاتی تھیں۔