ہالی ووڈ کے معروف اداکار ٹام کروز کی خطرناک اسٹنٹ کرتے ویڈیو سوشل میڈیا پر وائرل ہو گئی ہے۔

حال ہی میں ہالی ووڈ اداکار ٹام کروز کی جانب سے مداحوں کے لیے ایک خصوصی پیغام ٹوئٹر پر ویڈیو کی شکل میں جاری کیا گیا جس میں وہ ایک پرواز کرتے ہوئے طیارے پر کھڑے ہیں۔

ویڈیو میں ٹام کروز نے کہا کہ ‘ہم جنوبی افریقا میں مشن امپاسبل ڈیڈ ریکنگ پارٹ 1 اور 2 کی عکسبندی کررہے ہیں’۔

A special message from the set of #MissionImpossible @MissionFilm pic.twitter.com/sfnWWluLyl

Advertisement

— Tom Cruise (@TomCruise) December 18, 2022

انہوں نے کہا کہ ‘میں سال کا اختتام آپ کا شکریہ ادا کیے بغیر نہیں کرنا چاہتا اور ٹاپ گن میورک کو سپورٹ کرنے پر آپ کا شکرگزار ہوں’۔

یہ بھی پڑھیں؛ ٹام کروز کی فلم ٹاپ گن کی ایک بار پھر باکس آفس پر دھوم

ویڈیو میں مشن امپاسبل 7 کے ڈائریکٹر کرسٹوفر میکوائر کو بھی دکھایا گیا جو ٹام کروز کو کہتے ہیں کہ وقت ختم ہورہا ہے۔

واضح رہے کہ مشن امپاسبل 7 کو ڈیڈ ریکنگ پارٹ 1 کا نام دیا گیا ہے جو 14 جولائی 2023 کو ریلیز ہوگی جبکہ اس کا دوسرا حصہ 28 جون 2024 کو ریلیز کیا جائے گا۔