پاکستان کی میوزک انڈسٹری کا ایک ابھرتا ہوا نام شے گل کا ایک اور گانا “سکون” ریلیز ہوگیا ہے۔

حسن شیخ اور روشان شیروانی نے سکون گانے کی شاعری اور میوزک کمپوز کیا جبکہ اس گانے میں خود حسن شیخ اور گلوکارہ شے گل نے اپنی آواز کا جادو جگایا ہے۔

نوجوان گلوکار حسن شیخ اور روشان شیروانی کا تعلق لاہور سے ہے۔ 2021 میں شروع کیے جانے والے اس میوزیکل بینڈ حسن اور روشان بینڈ نے اب تک مختلف ٹریکز کو اپنے یوٹیوب چینل پر ریلیز کیا۔

دو نوجوانوں کے بنائے گئے مشترکہ اس میوزیکل بینڈ کا ایک ٹریک مس مارول کا بھی حصہ بنا۔

نوجوان گلوکار حسن اور روشان اپنے میوزیکل ٹریکز اورانکی ویڈیوز کو مختلف سوشل میڈیا پلیٹ فارمز پر شیئر کر کے میوزک انڈسٹری میں تیزی سے اپنی جگہ بنا رہے ہیں۔

یہ بھی پڑھیں: مذاق میں گلوکاری کا آغاز کیا تھا، شے گل