پاکستانی فلم و ڈرامہ انڈسٹری کے نامور اداکار اور جاوید شیخ کے چھوٹے بھائی سلیم شیخ کی اپنی بیٹی کی شادی پر ڈانس کرنے کی ویڈیو وائرل ہوگئی۔

سوشل میڈیا پر وائرل ہونے والی ویڈیوز میں دیکھا جا سکتا ہےکہ با صلاحیت سینئیر اداکار سلیم شیخ مختلف پاکستانی اور بھارتی گانوں پر ڈانس کر رہے ہیں ۔

نامور اداکار کے ڈانس پر نا صرف ان کے  گھر والے بلکہ شادی کی تقریب میں آئے ہوئے مہمان بھی  خوب لطف اندوز ہوکر ان کی حوصلہ افزائی کر رہے ہیں۔

ویڈیو دیکھیں:

یہ بھی پڑھیں: سلیم شیخ کی بیٹیوں کے ہمراہ چند خوبصورت تصاویر

واضح رہے کہ سلیم شیخ کی بڑی بیٹی نشمیہ شیخ کی گزشتہ دنوں شادی ہوئی، جس کی تصاویر بھی سلیم شیخ نے اپنے انسٹاگرام پر شیئر کی ہیں۔

شئیر کردہ تصاویر اور ویڈیوز پر ان کے مداحوں کی جانب سے نیک خواہشات اور تعریفوں کا سلسلہ جاری ہے۔

شادی کی تقریب میں شہروز سبزواری نے اپنی اہلیہ صدف کنول کے ہمراہ شرکت کی۔

اس کے علاوہ جاوید شیخ، بہروز سبزواری سمیت دیگر نامور فنکاروں نے بھی تقریب میں شرکت کرکے چار چاند لگا دئیے۔