بھارت کے معروف اداکار شاہ رخ خان نے اداکاری چھوڑنے کے بعد مستقبل کے اپنے منصوبوں کے بارے میں بتا دیا۔

حال ہی میں اداکار نے بھارتی کرکٹر روبن اٹھپا کو انٹرویو دیتے ہوئے اداکاری سے 4 سال کی بریک اور پھر مستقبل کے منصوبوں کے حوالے سے بات چیت کی۔

انہوں نے کہا کہ ’میں فلم زیرو کے بعد اداکاری سے ایک سال کا بریک لینا چاہتا تھا لیکن پھر کورونا کی وجہ سے یہ وقفہ طویل ہوگیا ‘۔

یہ بھی پڑھیں: بھارت کی معروف اداکارہ نے شاہ رخ خان پر بڑا الزام لگادیا

شاہ رخ خان نے کہا کہ ’اگر میں نے کبھی اداکاری چھوڑی تو میں کاروبار کروں گا، میں پٹھان کے نام سے کیٹرنگ ، بازی گر کے نام سے بیکری اور دل والے کے نام سے مٹھائی کی دوکان بھی کھول سکتا ہوں’۔

KING KHAN’s heartwarming and candid interview with @robbieuthappa is all ❤️✨ @iamsrk#FIFAWorldcup #ArgentinaVsFrance #Arg #Fra #FIFAWorldCupQatar2022 #FIFAWorldCup2022 #Messi #Mbappe #Pathaan #ShahRukhKhan #SRK #WayneRooney pic.twitter.com/3G289FjpWW

— Shah Rukh Khan Universe Fan Club (@SRKUniverse) December 18, 2022

اس سے قبل ایک انٹرویو میں اداکار شاہ رخ خان نے فلم پٹھان کے لیے بنائے گئے سکس پیکس پر بات کرتے ہوئے کہا تھا کہ میں نے اپنا بہت سارا وقت بچوں کے ساتھ گزارا، میں جسمانی طور پر بہت فٹ ہوگیا ہوں۔

ان کا کہنا تھا کہ میں نے گھر کا کام کرنا شروع کردیا تھا کیوں کہ کرنے کو کچھ نہیں تھا، ہم سب کووڈ کے دوران گھروں میں قید تھے لہٰذا میں نے جم جانا شروع کیا اور گھر کا کام کرنا شروع کردیا۔

انہوں نے بتایا تھا کہ میں نے کچن میں کام کیے، کپڑے دھوئے، میں نے اس وقت گھر کے تمام کام کیے اور فٹنس بنائی لیکن وہ ایک بہترین وقت تھا۔

اداکار شاہ رخ خان نے کہا تھا کہ میں نے کام سے ایک سال کا وقفہ لیا تھا، سوچا تھا کہ مجھے ایک سال کا انتظار کر کے فٹنس پر کام کرنا چاہیے۔

یہ بھی پڑھیں: بھارت کی معروف اداکارہ نے شاہ رخ خان پر بڑا الزام لگادیا

انہوں نے کہا تھا کہ میں نے فلم زیرو کے لیے بہت محنت کی لیکن کسی کو فلم پسند نہیں آئی، جس کا مجھے بھی دکھ ہے، پھر میں نے سوچا کہ میں نے دل کی بہت کرلی اب  میں وہ کروں گا جو لوگ پسند کرتے ہیں لیکن میرے لیے ایک سال کا وقفہ مختلف تھا۔

واضح رہے کہ شاہ رخ ان دنوں اپنی فلم پٹھان کی پروموشن میں مصروف ہیں جو 25 جنوری 2023 کو ریلیز ہوگی۔