پاکستانی فلم انڈسٹری کے نامور ہیرو شان شاہد نے کہا ہے کہ میرے لیے سب سے اہم میرا وطن پاکستان ہے۔

حال ہی میں اپنے دیے گئے ایک انٹرویو میں اداکار شان شاہد کا کہنا تھا جو بھی ملک کے لیے بہتر ہو وہ نیا وزیر اعظم بنے، میرے لیے سب سے اہم پاکستان ہے۔

انہوں نے کہا کہ سیاسی جماعتیں جتنی بھی ہوں، پاکستان کا جھنڈا ایک ہونا چاہیے۔

ایک سوال کے جواب میں شان نے کہا کہ فلم کے اداکار کو ٹی وی گیم شو نہیں کرنا چاہیے۔

ان کا کہنا تھا کہ کراچی کے صحافیوں پر میرا بڑا مان ہے، میں خود کو صحافی برادری کا حصہ سمجھتا ہوں۔

اداکار شان شاہد نے ایک سوال کے جواب میں کہا کہ 75 برسوں میں پاکستان کو صرف سیاست کی فلم دکھائی گئی، انٹرٹیمنٹ پر کسی حکومت نے توجہ نہیں دی۔

ان کا کہنا تھا کہ درجنوں ہیروئنوں کے ساتھ فلموں میں بطورِ ہیرو کام کیا، اداکارہ صائمہ کے ساتھ کام کرنا اچھا لگا۔

شان نے فیملی سے متعلق پوچھے گئے سوال کے جواب میں کہا کہ میری چار بیٹیاں ہیں، اگر وہ شوبز میں کام کرنا چاہیں تو میں ان کو سپورٹ کروں گا۔