نوازالدین صدیقی کی نئی آنے والی ویب سیریز ہڈی میں بالی وڈ اداکار خواجہ سرا کا کردار ادا کر رہے ہیں۔

نوازالدین صدیقی نے اپنی نئی آنے والی ویب سیریز میں ہڈی کے سیٹ سے ایک تصویر کو شیئر کیا جس میں انہوں نے بنارسی سرخ ساڑھی زیب تن کی ہوئی ہے۔

جس میں کانوں پر کندن کے بندے اور کندن کا ہارسمیت ایک مالا بھی پہنی ہوئی ہے۔

اس تصویر میں وہ کسی شخص کو محبت بھری نظر سے دیکھتے دیکھائی دے رہے ہیں۔

یہ بھی پڑھیں: اداکار نواز الدین صدیقی نے بھاری معاوضہ لینے والے فنکاروں کو آڑے ہاتھوں لے لیا

تصویر کو شیئر کرتے ہوئے اداکار نے لکھا کہ آپکی آنکھوں نے گرفتار کرلیا ، جینا نہیں چاہتا لیکن اب تک جی رہا ہوں۔

ویب سیریز کے ٹرانس لک میں ٹرانسفارم ہونے کے لیے نوازالدین صدیقی کو کم از کم تین گھنٹے کا دورانیہ لگ جاتا ہے۔

نئی آنے والی ویب سیریز میں نواز الدین صدیقی ایک ٹرانسجنڈرکا کردار اداکرتے دیکھائی دیں گے۔ کرائم بیسڈ ویب سیریز میں ہڈی کو اگلے برس او ٹی ٹی پلیٹ فارم ذی فائیو پر ریلیز کیا جائے گا۔