بھارت کےنامور اداکار منوج باجپائی سے متعلق انتہائی افسوسناک خبر سامنے آگئی جس نے سب کو افسردہ کردیا ہے۔

بھارتی اداکار کی والدہ گیتا دیوی 80 سال کی عمر میں انتقال کرگئیں۔

رپورٹس کے مطابق منوج باچپائی کی والدہ کو ایک ہفتہ قبل نئی دہلی کے پشپانجلی میڈیکل سینٹر میں داخل کرایا گیا تھا جہاں وہ زیر علاج تھیں، مبینہ طور پر ان کی طبیعت گزشتہ 20 دنوں سے کافی خراب تھی۔

بھارتی میڈیا کے مطابق گزشتہ رات اسپتال میں گیتا دیوی کی طبیعت زیادہ بگڑ گئی اور پھر جمعرات کی صبح ان کا انتقال ہو گیا۔

واضح رہے کہ منوج باجپائی کے والد رادھاکنت باجپائی کا گزشتہ سال اکتوبر میں انتقال ہوا تھا۔