معروف بھارتی اداکارہ، ماڈل اور گلوکارہ شہناز گِل نے کہا ہے کہ سدھارتھ شکلا کی موت کے بعد لوگ مجھ پر ہمدردی سمیٹنے کا الزام لگاتے تھے۔

حال ہی میں اپنے دیے گئے ایک انٹرویو میں اداکارہ شہناز گِل کا کہنا تھا کہ ایک ایسا وقت بھی میری زندگی میں گزرا ہے جب لوگ کہتے تھے کہ میں ہمدردی لینے کی کوشش کرتی ہوں۔

دورانِ انٹرویو میزبان نے اداکارہ شہناز گِل سے سوال کیا کہ آپ کی خاص بات یہ ہے کہ آپ لوگوں سے بہت زیادہ محبت حاصل کر رہی ہیں جو کہ بہت اہم چیز ہے لیکن اس قسم کی معصومیت برقرار رکھنا ہماری دنیا میں بڑا مشکل ہوتا ہے، تاہم آپ نے یہ کیا؟

شہناز گِل نے جواب دیتے ہوئے کہا کہ میں سمجھتی ہوں کہ ہم لوگوں کے فیصلے سے خائف رہتے ہیں، میرے خیال میں ہم اداکاروں کو اس قسم کا پریشر نہیں لینا چاہیے۔

انہوں نے مزید کہا کہ ہماری بھی ایک زندگی اور جذبات ہیں ہم اپنے احساسات کو کیوں چھپائیں؟