پاکستان شوبز انڈسٹری کی مشہور و معروف اداکارہ صبور علی نے کہا ہے کہ وائٹننگ انجیکشن لگوائے ہوتے تو میں اب تک گوری ہو چکی ہوتی۔

حال ہی میں اپنے دیے گئے ایک انٹرویو میں اداکارہ صبور علی کا کہنا تھا کہ کئی ڈرامے میرے ایسے بھی تھے جنہیں شوٹ ہونے کے باوجود پریویو کے بعد ری شوٹ کروایا گیا۔

انہوں نے کہا کہ مجھے کہا گیا تھا کہ گوری بیس لگا کر سین دوبارہ شوٹ کیا جائے، اس وقت ہم مان جاتے تھے لیکن اگر اب ایسا کہا جائے تو یہی جواب دیتے ہیں کہ ایسا ہی ہے آپ نے لینا ہے تو لیں ورنہ آپ کی مرضی۔

ان کا کہنا تھا کہ اگر میں نے وائٹننگ انجیکشن لگوائے ہوتے تو میں اب تک گوری ہو چکی ہوتی اور کئی چینلز پر بڑے بڑے ڈرامے کر رہی ہوتی لہٰذا ایسا کچھ نہیں ہے اور نہ ہی کوئی ایسی چیز ہے جو انسان کو گورا کر سکے۔

صبور علی نے بتایا کہ میں نے وائٹننگ کے بجائے وٹامن کے انجیکشنز لگوائے ہیں کیوں کہ ہم اتنا کام کرتے ہیں تو انرجی کی ضرورت ہوتی ہے۔