پاکستان شوبز انڈسٹری کے مشہور و معروف اداکار فہد مصطفیٰ نے ہوسٹنگ شروع کرنے سے متعلق اہم انکشاف کردیا ہے۔

حال ہی میں اپنے دیے گئے ایک انٹرویو میں اداکار فہد مصطفیٰ کا کہنا تھا کہ وہ اداکار تھے مگر اتنے مشہور نہیں ہوئے تھے جب پیسوں کی ضرورت پڑی تو ہوسٹنگ شروع کی اور اُسی سے مشہور ہوا۔

انہوں نے کہا کہ شوبز انڈسٹری کی بات کریں تو پاکستان میں آرٹسٹ کیلئے بہت مشکلات ہیں، لوگ چانس لینے سے ڈرتے ہیں ایک وقت تھا کہ لوگ اداکاروں کو میزبانی کرنے سے روکتے تھے۔

ان کا کہنا تھا کہ ایک تصور تھا کہ اگر آپ ہوسٹنگ میں قدم رکھیں گے تو آپ کا بطورِ اداکار کیرئیر ختم ہو جائے گا۔

فہد مصطفیٰ نے بتایا کہ ہوسٹنگ نے میرے لیے چیزیں بدل دیں، ہوسٹنگ کے دوران میری انرجی کبھی کم نہیں ہوتی کیونکہ پیسہ کبھی کم نہیں ہوتا۔

انہوں نے کہا کہ مجھے ایسا لگتا ہے کہ شو کی میزبانی کرنے سے ہی مجھے پہچان ملی ہے اور میں نقشے پر اُبھرا ہوں، میں اپنی میزبانی کے لیے جانا جاتا ہوں نہ کہ اپنی ہٹ فلموں کے لیے جبکہ ہوسٹنگ کے بعد ہی زیادہ تر میری فلمیں ہٹ ہوئی ہیں۔