بالی ووڈ فلم انڈسٹری کے مشہور و معروف اداکار سلمان خان کو آج کل اداکارہ پوجا ہیگڑے کے ساتھ دیکھا جارہا ہے جس کے بعد لوگوں کا یہ ماننا ہے کہ سلمان خان نے اپنا جیون ساتھی پوجا ہیگڑے کو ہی چُن لیا ہے۔

سلمان خان کی اداکارہ پوجا ہیگڑے کے ساتھ ڈیٹ کی خبروں پر ان کے قریبی ساتھی عمیر سندھو کا بیان سامنے آ گیا ہے۔

عمیر سندھو نے اپنے جاری کردہ ایک بیان میں کہا کہ “جو لوگ ایسی واحیات خبریں پھیلا رہے ہیں، کچھ تو شرم کریں”۔

یہ بھی پڑھیں: معروف بھارتی اداکار سلمان خان نے اپنا جیون ساتھی چُن لیا؛ اداکارہ کا نام سامنے آگیا

انہوں نے کہا کہ “پوجا, سلمان کی بیٹی کی عمر کی ہے، وہ دونوں ایک ساتھ فلم (کسی کا بھائی کسی کی جان) میں کام کر رہے ہیں، اس کا مطلب یہ نہیں کہ دونوں میں کوئی اور رشتہ بھی ہے”۔

ان کا کہنا تھا کہ “لوگ یہ سمجھتے ہیں کہ یہ فلم کی تشہیر کے لیے اچھا ہوگا لیکن یہ شرمندگی کا باعث ہے، سلمان کو اس قسم کی افواہوں سے کوئی فرق نہیں پڑتا”۔

یہ بھی پڑھیں: اداکار نواز الدین صدیقی کا سلمان خان سے متعلق اہم انکشاف