پاکستان کی معروف اداکارہ کنزہ ہاشمی نے اپنے ملبوسات کا برانڈ ’ڈی کوڈ کنزا ہاشمی‘  صارفین کو متعارف کروا دیا ہے۔

حال ہی میں اداکارہ نے اپنے انسٹاگرام اکاؤنٹ پر ایک ویڈیو پوسٹ کی ہے جس میں انہیں خوبصورت ملبوسات میں دیکھا جاسکتا ہے۔

شیئر کی گئی ویڈیو کے کیپشن میں اداکارہ نے لکھا ہے کہ میں آپ سب کے ساتھ اپنا نیا وینچر شیئر کرتے ہوئے بہت خوش اور پرجوش ہوں۔

یہ بھی پڑھیں؛ کنزہ ہاشمی کی زاویار نعمان کے ہمراہ نامناسب ویڈیو وائرل، مداح آگ بگولہ ہو گئے

انہوں نے لکھا کہ اگر آپ سوچ رہے ہیں کہ میں نے ڈی کوڈ کا انتخاب کیوں کیا؟ تو میں آپ کو بتاتی چلوں کہ یہ کسی ایسے شخص نے تجویز کیا جسے میں اپنے دل کے بہت قریب رکھتی ہوں۔

 کنزہ ہاشمی نے لکھا کہ میں اپنے خواب کو آپ سب کے ساتھ شیئر کرنا چاہتی ہوں اور مجھے اسے بنانے کے لیے آپ کی محبت اور تعاون کی ضرورت ہے۔

اس سے قبل اداکارہ نے اپنے انسٹاگرام پر چند تصاویر پوسٹ کی تھیں جنہیں مداحوں کی جانب سے خوب پسند کیا گیا تھا ۔

شیئر کی گئی تصاویر میں اداکارہ نے سرخ رنگ کا لباس زیب تن کیا ہوا تھا۔

یہ بھی پڑھیں؛ کنزہ ہاشمی کی دلکش ویڈیو سوشل میڈیا پر وائرل

یاد رہے کہ معروف اداکارہ پاکستان کے کئی مشہور ڈراموں میں اپنی اداکاری کے جوہر دکھا چکی ہیں۔