پاکستان کے معروف قوال امجد صابری کی بڑی بیٹی حورین صابری رشتۂ ازدواج میں منسلک ہوگئیں۔

مرحوم قوال کی بیٹی کے نکاح کی تقریب 23 دسمبر کو لاہور میں ان کے گھر میں منعقد ہوئی۔

 گزشتہ روز سے سوشل میڈیا پر مرحوم امجد صابری کی بیٹی کی نکاح کی تصاویر اور ویڈیو سوشل میڈیا پر وائرل ہو رہی ہیں۔

امجد صابری کی بیٹی حورین کے شوہر کا نام محمد موسیٰ ہے۔

 حورین کی مہندی کی تقریب 24 دسمبر کو منعقد کی گئی جس میں قریبی رشتہ داروں، دوست احباب کے علاوہ شوبز انڈسٹری سے میزبان و اداکارہ مایا خان نے بھی شرکت کی۔

حورین کی مہندی کی تقریب میں مرحوم والد کی قوالی بھی پڑھی گئی جسے سن کر اہل خانہ سمیت تمام شرکاء جذبات پر قابو نہ رکھ سکے اور  آبدیدہ ہوگئے۔

امجد صابری کے اہل خانہ مایا خان کو مرحوم امجد صابری کی بہن سمجھتے ہیں اور اسی لیے انہیں تمام تقریبات میں مدعو کیا گیا۔

مرحوم امجد صابری کی یاد آج بھی مداحوں کے ذہنوں میں تازہ ہے، ان کی موت سے جو خلا پیدا ہوا وہ کبھی پُر نہیں کیا جاسکتا۔

:مزید پڑھیں

https://www.bolnews.com/urdu/latest/2021/04/181757/amp/

واضح رہے کہ ان کے بیٹے مجدد امجد صابری کی آواز اپنے مرحوم والد سے بہت مماثلت رکھتی ہے۔