بھارت کے معروف اداکار وکی کوشل نے فلم انڈسٹری میں قدم رکھنے کی وجہ بتادی ہے۔

حال ہی میں بالی ووڈ کے معروف اداکار وکی کوشل نے ایک انٹرویو کے دوران کہا کہ میں نے فلم انڈسٹری میں اپنی انجینئرنگ کی ڈگری مکمل کرنے کے بعد قدم رکھا۔

  انہوں نے کہا کہ’میں اور میرا بھائی سنی کوشل اسٹیج پرفارمر تھے اور ہمیشہ فنکشنز کے دوران اسٹیج پر پرفارم کرتے تھےلیکن میں نے کبھی اداکاری کو بطور پیشہ اختیار کرنے کے بارے میں نہیں سوچا تھا، میرا ایم بی اے کی ڈگری حاصل کرنے کا ارادہ تھا‘۔

  وکی کوشل نے کہا کہ’جب مجھے اپنی انجینئرنگ کی ڈگری کے دوسرے سال کے دوران ایک کمپنی میں لے جایا گیا اور میں نے دیکھا کہ مجھ سےانجینئرنگ کی ڈگری مکمل کرنے کے بعد یہ کام کرنے کی توقع کی جا رہی ہے تو میں نے سوچا کہ میں زندگی بھر یہ کام نہیں کر سکوں گا‘۔

اداکار نے کہا کہ’ڈگری مکمل کرنے کے بعد مجھے ایک آئی ٹی کمپنی سے نوکری کی پیشکش بھی ہوئی تھی لیکن مجھے لگا کہ میں اپنی زندگی کمپیوٹر پر نہیں گزار سکتا اور پھر میں نے اداکاری کو بطور پیشہ اختیار کرنے کا فیصلہ کرلیا‘۔