بھارتی کرکٹر کے ایل راہول اور اداکارہ اتھیا شیٹی کی شادی سے متعلق سوال پر سینئر اداکار اور اتھیا کے والد سنیل شیٹی نے کرارا جواب دیا ہے۔

حال ہی میں جب  اداکار سنیل شیٹی سے ان کی بیٹی کی شادی سے متعلق پوچھا گیا تو اس پر اداکار کی جانب سے حیرت میں مبتلا کر دینے والا ردعمل دیا گیا۔

یہ بھی پڑھیں؛ اتھیا شیٹی اور کے ایل راہول کی شادی کی تاریخ اور جگہ سامنے آگئی

   سنیل شیٹی نے شادی کی خبروں کو رد کرتے ہوئے  میڈیا سے کہا کہ “جب آپ کو تصدیق شدہ تاریخیں مل جائیں تو مجھے بتائیں تاکہ میں شادی میں شرکت کر سکوں‘‘۔

واضح رہے کہ کے ایل راہول اور بالی ووڈ اداکارہ اتھیا شیٹی گزشتہ 3 سال سے ایک ساتھ ہیں اور جوڑے کی شادی کی افواہیں ہر چند ماہ بعد سامنے آتی رہتی ہیں۔

یہ بھی پڑھیں؛ کے ایل راہول اور اتھیا شیٹی کب شادی کر رہے ہیں؟ تاریخ سامنے آگئی

کچھ عرصہ قبل بھارتی میڈیا نے دعویٰ کیا تھا کہ جوڑی آئندہ برس جنوری میں رشتہ ازدواج میں منسلک ہوجائے گی، شادی کی تقریبات 21 سے 23 جنوری تک ہوں گی جب کہ شادی کھنڈالا میں واقع سنیل شیٹی کے بنگلے پر ہوگی۔