بھارتی اداکارہ و سنیل شیٹی کی بیٹی اتھیا شیٹی اور بھارتی کرکٹ ٹیم کے اوپنر کے ایل راہول کی شادی کی تاریخ سامنے آگئی ہے۔

بھارتی میڈیا نے دعویٰ کیا ہے کہ کرکٹر کے انتہائی قریب ذرائع کے مطابق اتھیا اور راہول جنوری 2023 کے آخری ہفتے میں شادی کررہے ہیں۔

بھارتی میڈیا کا کہنا ہے کہ شادی کی تقریبات کا آغاز 21 جنوری سے ہوگا جبکہ شادی کھنڈالا میں واقع سنیل شیٹی کے بنگلے پر ہوگی جس میں خاص مہمانوں اور دوستوں کو مدعو کیا جائے گا۔

یاد رہے کہ اس سے قبل بھی کئی مرتبہ اتھیا اور کے ایل راہول کی شادی کی تاریخ سامنے آچکی ہے تاہم وہ افواہ ثابت ہوئی۔