پاکستان کرکٹ ٹیم کے اسٹار آل راؤنڈر اور سابق کپتان شاہد خان آفریدی کی بڑی بیٹی اقصیٰ کا نکاح ہوگیا جس کی ویڈیو بھی سامنے آگئی ہے۔

گزشتہ روز سوشل میڈیا پر گیدرنگ ایونٹ پلینر کی جانب سے اقصیٰ آفریدی کے نکاح کا ڈیجیٹل کارڈ اور مہندی کے ایونٹ کی تیاریوں کی ویڈیو شیئر کی گئی تھی۔

اس میں بتایا گیا تھا کہ اقصیٰ آفریدی کی شادی نصیر ناصر نامی شخص سے ہو رہی ہے، نکاح کیلئے اقصیٰ کی مہندی لگائی تقریب کا انعقاد بھی کیاجاچکا ہے۔

اب اقصیٰ آفریدی کے نکاح کی ویڈیو سامنے آئی ہے جس میں شاہد آفریدی، شاہین شاہ آفریدی کو بھی تقریب میں موجود دیکھا جاسکتا ہے۔

نکاح کی ویڈیو میں نکاح خواں کی جانب سے سنا جاسکتا ہے کہ اقصیٰ آفریدی کا حق مہر 131 تولہ چاندی رکھا گیا، جس کی اس وقت مالیت 2 لاکھ 60 ہزار 952 روپے بنتی ہے۔

شاہین شاہ آفریدی جلد ہی آفریدی کی ایک اور بیٹی انشا شاہد سے شادی کریں گے جو اس وقت پاکستان کرکٹ کی عبوری چیف سلیکٹر ہیں۔

یہ بھی پڑھیں: شاہد آفریدی کے خلاف طنزیہ ٹویٹ؛ اداکار فہد مصطفیٰ کا دانش کنیریا کو کرارا جواب

رپورٹس کے مطابق بائیں ہاتھ کے فاسٹ بولر، جس کی گزشتہ سال منگنی ہوئی تھی، 3 فروری 2023 کو اشنا شاہد سے شادی کریں گے۔

اطلاعات کے مطابق  نکاح کی تقریب آئندہ سال کراچی میں آفریدی قبائلی روایات کے مطابق ہوگی جب کہ رخصتی اور استقبالیہ بعد میں ہوگا جس کی تصدیق خود قومی کرکٹ ٹیم کے سابق آل راؤنڈر نے کی ہے۔