بھارت کی ملیالم فلم انڈسٹری کے اداکار اور کامیڈین الاس پنڈالم کی اہلیہ کی لاش گھر سے برآمد ہوئی۔

غیر ملکی میڈیا رپورٹس کے مطابق اداکار کی جانب سے پولیس کو درج کروائی گئی شکایت میں بتایا گیا ہے کہ ان کی اہلیہ آشا لاپتہ تھیں جن کی تلاش کے دوران ان کی لاش پٹھان امتھیٹا رہائش گاہ کی بالکنی میں لٹکی ہوئی ملی۔

پولیس کا کہنا ہے کہ ابتدائی تحقیقات سے معلوم ہوتا ہے کہ آشا نے خودکشی کی ہے، واقعے کے وقت آشا اپنے بچوں کے ساتھ بالائی منزل والے کمرے میں سو رہی تھیں جبکہ اداکار الاس پنڈالم بھی گھر پر ہی موجود تھے۔

یہ بھی پڑھیں: معروف بھارتی اداکارہ نے شادی سے 2 ماہ قبل خودکشی کرلی

اداکار الاس پنڈالم نے کہا کہ جب وہ اوپر بچوں کے کمرے میں گئے تو بچے تو موجود تھے لیکن اہلیہ آشا موجود نہیں تھی جس پر پولیس کو فون کر کے لاپتہ ہونے کی اطلاع دی۔

پولیس کا کہنا ہے کہ آشا کی لاش الاس پنڈالم کی جانب سے دائر کی گئی درخواست کے بعد پولیس کے پہنچنے کے بعد برآمد ہوئی۔

یہ بھی پڑھیں: معروف بھارتی اداکارہ نے اپنے فلیٹ میں خودکشی کرلی؛ آخری پیغام میں ہولناک انکشافات