بھارت کی معروف ڈانسر و اداکارہ نورا فتیحی بڑی مشکل میں پھنس گئیں۔

نورا فتیحی نے فوٹوز اینڈ ویڈیوز شیئرنگ پلیٹ فارم انسٹاگرام پر پوسٹ کرتے ہوئے لکھا کہ ہر کوئی مجھ سے پوچھ رہا ہے کہ مراکش اور کینیڈا کے میچ میں آپ کسے سپورٹ کریں گی؟

جواب میں انہوں نے کہا کہ لوگوں کی جانب سے پوچھے جانے والے اس سوال کا جواب دینا مجھے بہت ہی مشکل لگ رہا ہے، میری نیک تمنائیں دونوں ٹیموں کے ساتھ ہیں، ہم دونوں ٹیموں کا میچ اسٹیڈیم میں بیٹھ کر اپنی نشستوں سے براہ راست دیکھیں گے، جو بھی اچھا کھیل پیش کرے گی وہی ٹیم جیتے گی۔

نورا نے انسٹاگرام پر رِیل شیئر کی ،جس میں وہ اسٹیڈیم میں کھڑی ہیں اور پسِ منظر میں فیفا ورلڈ کپ کا آفیشل گانا ’لائٹ دی اسکائی‘ بج رہا ہے۔

اداکارہ نے یہ شئیر کرتے ہوئے لکھا کہ وہ لمحہ جب آپ اپنی آواز اسٹیڈیم میں فیفا ورلڈ کپ کے دوران سنتے ہیں، یہ بہت غیر یقینی تھا، یہ وہ سنگِ میل ہے جس نے سفر کو مزید کامیاب کردیا۔

انہوں نے لکھا کہ میں نے خوابوں میں ہمیشہ ایسے لمحات سوچے تھے، میں خواب دیکھنے والی ہوں جسے خواب پورا کرنے کی بھوک ہے، ایک عام سی لڑکی سے یہاں تک کا سفر۔

نورا فتیحی نے لکھا کہ ہمیشہ اپنے اوپر یقین رکھو، کسی کو یہ نہ بتانے دو کہ تم کچھ نہیں کرسکتے۔

واضح رہے کہ گزشتہ روز قطر میں جاری فٹبال ورلڈکپ کے دوران ، مراکش نے کینیڈا کو شکست دے کر فائنل 16 میں جگہ بنا لی۔