پاکستان شوبز انڈسٹری کی خوبرو اور منفرد نظر آنے والی صف اول کی اداکارہ سارہ خان نے نہایت مختصر وقت میں اپنی بہترین اداکارانہ صلاحیتوں کے بلبوتے پر نا صرف شوبز بلکہ لاکھوں چاہنے والوں کے بھی دل میں جگہ بنائی ہے۔

 اداکارہ سارہ خان نے حال ہی میں اپنے انسٹاگرام میں ایک نئے فوٹو شوٹ کی تصاویر شئیر کی ، جس میں دیکھا جا سکتا ہے کہ وہ اپنے شوہر اورنامور گلوکار فلک شبیر کے ہمراہ پر تکلف انداز میں پوز دے رہی ہیں ۔

سوشل میڈیا پرسارہ خان کی جانب سے شئیر کردہ اس فوٹو شوٹ کے کیپشن میں انہوں نے صرف ہاٹ اور فائر کا ایموجی بنا کر محبت کا اظہارکیا۔

وائرل رومینٹک شوٹ دیکھیں:

یہ بھی پڑھیں: میرب علی اور سارہ خان کی طنز و مزاح سے بھری ویڈیو سوشل میڈیا پر وائرل

واضح رہےکہ  اداکارہ سارہ خان کو ڈراموں میں بہت پسند کیا جاتا ہے ان کے مداح اب انہیں ٹی وی کے ساتھ ساتھ  فلم میں بھی دیکھنا چاہتے ہیں۔

ٹی وی کی بہت ساری اداکارائیں فلموں میں‌ کام کرتی ہوئی دکھائی دے رہی ہیں لیکن سارہ خان نے ابھی تک ایسا کوئی اعلان نہیں‌ کیا کہ وہ کسی فلم میں‌ کام کررہی ہیں۔

حال ہی میں ان سے فلموں میں کام کر نے کے حوالے سے سوال کیا گیا تو انہوں نے کہاکہ  ایسا نہیں‌ ہے کہ فلمیں‌ میری ترجیحات میں‌ نہیں‌ ہیں ، میں فلم کرنا چاہتی ہوں لیکن میری کچھ حدود ہیں اگر ان میں‌ رہتے ہوئے مجھے کوئی فلم آفر ہوئی تو یقینا میں‌ کروں گی۔

سارہ خان کا کہنا ہےکہ میں نے آج تک اگر کوئی فلم نہیں‌ کی تو اس کی بڑی وجہ یہی ہے کہ میں وہ سب نہیں‌ کر سکتی جو ہو رہا ہے میں وہ کروں گی جو میں مناسب سمجھتی ہوں۔

اس سے قبل بھی اداکارہ نے ایک انٹرویو میں کہا تھا کہ وہ ایسا کام نہیں‌ کرنا چاہتی جس میں انہیں ایسا لباس زیب تن کرنا پڑے جس میں ان کی سکن لوگوں‌ کو نظر آئے۔

سارہ خان کا ٹی وی ڈرامہ رقص بسمل نا صرف بے حد پسند کیا گیا بلکہ سپر ہٹ بھی ثابت ہوا۔