چند روز قبل سوشل میڈیا پر ایک ویڈیو وائرل ہوئی تھی جس میں عائشہ نامی لڑکی مقبول بھارتی گانے میرا دل یہ پکے آجا پر رقص کرتی نظر آئی تھی۔

لوگوں نے اس لڑکی کے ڈانس اسٹیپس کو اتنا پسند کیا کہ اسے لاکھوں شیئرز ملنے لگے اور وہ لڑکی راتوں رات پاکستان کی مشہور شخصیت بن گئی۔

عائشہ نامی لڑکی کی ویڈیو سوشل میڈیا پر وائرل ہوتے ہی ندا یاسر نے فوری طور پر اس لڑکی کو اپنے مارننگ شو میں مدعو کیا۔

لڑکی نے بتایا کہ وہ ایک دوست کی شادی میں تھی اور اس کے دوست نے اسے اس گانے پر ڈانس کرنے کو کہا جس پر وہ ڈانس کرتی نظر آئی۔

ان کا کہنا تھا کہ ان کے ڈانس اسٹیپس خود بنائے ہیں اور وہ خود نہیں جانتی تھیں کہ پاکستانی لوگ میرے ڈانس اسٹیپس کو اتنا پسند کریں گے۔

حال ہی میں عائشہ کی کچھ تصاویر سوشل میڈیا پر وائرل ہوئی جس میں انہوں نے ایک برانڈ کے لیے فوٹو شوٹ کروایا۔

شیئر کی گئی تصاویر میں دیکھا جاسکتا ہے کہ عائشہ نے حجاب زیب تن کیا ہوا ہے جسے صارفین کی جانب سے خوب پسند کیا جا رہا ہے۔

عائشہ کی یہ تصاویر دیکھنے کے بعد صارفین نے خوب تعریفیں کیں۔