پاکستان شوبز انڈسٹری کی مشہور اور سینئر اداکارہ سیمی راحیل نے کہا ہے کہ انڈسٹری میں بُرے اداکاروں کو کچھ نہ کرنے پر بھی ایوارڈز ملتے ہیں۔

حال ہی میں اپنے دیے گئے ایک انٹرویو میں اداکارہ سیمی راحیل کا کہنا تھا کہ وہ کبھی ایوارڈز شو میں اس لئے نہیں نظر آتیں کیونکہ انہیں بُلایا ہی نہیں کیا جاتا۔

یہ بھی پڑھیں: سیمی راحیل کا مغربی طرز کا لباس پہننے والی پاکستانی اداکاراؤں کو اہم مشورہ 

انہوں نے کہا کہ شاید اُن لوگوں کو منصفانہ رائے رکھنے والے لوگ نہیں چاہیے اس لئے مجھے نہیں بلاتے اور میں جانا بھی نہیں چاہتی۔

ان کا کہنا تھا کہ ہماری انڈسٹری میں بُرے اداکاروں کو ایوارڈز دیے جاتے ہیں۔

یہ بھی پڑھیں: ٹک ٹاک سے شہرت پانے والے لوگوں میں اداکاری کی کوئی صلاحیتیں موجود نہیں ،سیمی راحیل

سینئر اداکارہ سیمی راحیل نے مزید کہا کہ میں سمجھتی ہوں کہ بہت سارے اچھے اداکاروں کو ایوارڈ نہیں دیا جا رہا ہے اسی لئے اچھے اداکار ایوارڈز سے محروم ہیں۔

واضح رہے کہ سینئر اداکارہ سیمی راحیل پاکستان شوبز انڈسٹری میں اپنی جاندار اداکاری کی وجہ سے جانی جاتی ہیں۔